U-20 Осиё кубоги. Ўзбекистоннинг чорак финалдаги рақиби маълум бўлди
Бироз аввал U-20 Осиё кубоги 3-тури доирасидаги Япония - Корея Республикаси учрашуви бўлиб ўтди.
Унда 1:1 ҳисоби қайд этилди.
Бу натижа Кореяни гуруҳда биринчи ўринни эгаллаши учун етарли бўлди. Айнан Корея чорак финалда Ўзбекистон терма жамоасига қарши тўқнаш келадиган бўлди.
Япония эса иккинчи ўринни эгаллади ва чорак финалда Эронга қарши ўйнайдиган бўлди. Сурия ва Таиланд ўртасидаги баҳсда 2:2 ҳисоби қайд этилди.
