ОЧЛ. Қуръа тартиби ўзгарди! "Навбаҳор" ва "Насаф" ўзаро рақиб бўлиши ҳам мумкин

ОФК Осиё чемпионлар лигаси плей-офф босқичи учун ташланадиган қуръа тартибини тасдиқлади. Аввал хабар бериб ўтганимизга нисбатан битта ўзгариш бўлди.

"Насаф" 1-ўринни эгаллаган клублар орасида энг ёмон натижага эга бўлгани учун 2-саватга ажратилиши ҳақида айтиб ўтгандик. Аммо бундай қилинмайдиган бўлди.

Дастлаб мини-қуръа ёрдамида 1-саватчадаги бир жамоа 2-саватга ўтказилади (бу жамоа номи ошкор қилинмасдан 2-саватга солинади). Шундай йўл билан саватлардаги жамоалар сони тенглаштирилади.

Ғарб минтақаси
1-сават:
🇸🇦 "Ал-Ҳилол"
🇸🇦 "Ан-Наср"
🇸🇦 "Ал-Иттиҳод"
🇦🇪 "Ал-Айн"
🇺🇿 "Насаф"

2-сават:
🇺🇿 "Навбаҳор"
🇮🇷 "Сепоҳон"
🇸🇦 "Ал-Файҳа"

Қуръа 28 декабр куни бўлиб ўтади.