Ўзбекистонда қишки трансфер 18 декабрда очилади. Янги мавсум эса 1 мартдан старт олади
Қишки трансфер ойнаси жорий йилнинг 18 декабр санасида очилади ва 2024 йилнинг 24 февралига қадар давом этади. Қайд этилишича, 17 декабрга қадар тақдим этилган шартномалар регламентда кўрсатиб ўтилган чекловдан ташқари қабул қилинади.
Суперлига жамоалари қишки трансфер ойнасида 10 нафар янги футболчини рўйхатдан ўтказишлари мумкин. Про лигадан чиққан клуб эса 15 нафарга қадар янги футболчиларни трансфер қилиш имкониятига эга.
Эслатиб ўтамиз, ўтган йилги қишки трансфер ойнаси 10 декабрдан 15 февралга қадар давом этган эди.