USD 12620.09
EUR 13599.41
RUB 136.73

COVID-19

Коронавирус COVID-19 Ўзбекистонда

Инфекцияланганлар

Соғайганлар

Вафот этганлар

Article

Turkmanistonda o‘tkir pnevmoniya kasalligi tarqalmoqda

 

Turkmanistonda aholi orasida o‘tkir pnevmoniya bilan kasallanish holatlari kuzatilmoqda. Xususan, Ashxoboddagi yuqumli kasalliklar shifoxonasi o‘tkir pnevmoniyaga chalingan bemorlar bilan to‘lib ketgan. Rasmiylar esa mamlakatda koronavirus yo‘qligini ta’kidlashda davom etmoqda. Bu haqda Asia-Plus xabar berdi.

Yuqumli kasalliklarning oldini olish va davolash markazi xodimining ma’lum qilishicha, kasallik tarqalishi jiddiy tus olmoqda, ba’zi bemorlar o‘ta og‘ir ahvolda kasalxonaga olib kelinmoqda, o‘lim holatlari ham mavjud.

Ashxoboddagi yuqumli kasalliklar shifoxonasi xodimlarining ma’lum qilishicha, yaqinda keksa erkak juda og‘ir ahvolda nafas olishdagi qiynalish bilan olib kelingan. Uni rentgen yordamida tekshirmoqchi bo‘lishgan, biroq bemorning ahvoli shu darajada og‘ir bo‘lganki, u rentgen stolida vafot etgan. Xodimlarning aytishicha, bu COVID-19 kasalligidan boshqa narsa emas.

Shifokorlarning fikricha, bu kasallikning koronavirus ekanligiga shubha yo‘q. Biroq test o‘tkazishga va umuman, koronavirus haqida gapirishga ruxsat berilmaydi. Shifokorlar keksa kishilarni ko‘chaga chiqishdan saqlash haqida ogohlantirmoqda.

Avvalroq Turkmaniston kasalxonalariga koronavirusga chalinganlar kelayotgani haqida xabarlar berilgandi. JSST esa birorta ham koronavirus holati aniqlanmagan Turkmanistonda hukumat bergan ma’lumotlarga ishonishini bildirgandi.

Доимо хабардор бўлинг

Барча янгиликлар сизнинг смартфонингизда Мобил иловамизни юклаб олинг